پاکستان کے ہائی کمشنر عمران حیدر کی بنگلہ دیش ایئر فورس چیف سے ملاقات

news-banner

دنیا - 25 نومبر 2025

پاکستان کے ہائی کمشنر برائے بنگلہ دیش عمران حیدر نے منگل کے روز ہیڈکوارٹرز بنگلہ دیش ایئر فورس میں چیف آف ائیر اسٹاف ایئر چیف مارشل حسن محمود خان سے ملاقات کی۔

 

 ملاقات میں دونوں رہنماؤں نے باہمی خیرسگالی کا اظہار کرتے ہوئے دفاعی تعاون، خطے کی بدلتی ہوئی صورتحال اور مشترکہ مفادات پر تبادلہ خیال کیا۔

 

اس موقع پر پاکستان اور بنگلہ دیش کے درمیان دوطرفہ تعلقات کو مزید مضبوط بنانے اور دفاعی روابط کو وسعت دینے کے عزم پر بھی زور دیا گیا۔

 

 ہائی کمشنر کے ہمراہ ڈیفنس اتاشی بریگیڈیئر محمد عمران یوسف چوہدری اور کونسلر سیاسی کامران دھانگل بھی موجود تھے۔