چیئرمین جوائنٹ چیفس جنرل ساحر شمشاد مرزا کی فیلڈ مارشل عاصم منیر سے الوداعی ملاقات

چیئرمین جوائنٹ چیفس آف سٹاف کمیٹی، جنرل ساحر شمشاد مرزا کی فیلڈ مارشل سید عاصم منیر سے الوداعی ملاقات جی ایچ کیو راولپنڈی میں ہوئی۔ 

پاک فوج کے شعبہ تعلقات عامہ (آئی ایس پی آر) کے مطابق ملاقات کے دوران فیلڈ مارشل عاصم منیر نے جنرل ساحر شمشاد کی قیادت، بصیرت اور خدمات کو سراہا اور تینوں افواج کے درمیان ہم آہنگی بڑھانے میں ان کے کردار کو شاندار قرار دیا۔

ترجمان آئی ایس پی آر نے بتایا کہ فیلڈ مارشل عاصم منیر نے جوائنٹ آپریشنل تیاری، قومی سکیورٹی اور علاقائی استحکام کے لیے جنرل ساحر شمشاد کی خدمات اور ملٹری ڈپلومیسی میں اقدامات کا اعتراف کیا۔

دوسری جانب جنرل ساحر شمشاد مرزا نے فیلڈ مارشل عاصم منیر اور افواج پاکستان کے تعاون پر تشکر کا اظہار کیا۔ جی ایچ کیو میں یادگارِ شہدا پر پھولوں کی چادر چڑھائی گئی جبکہ پاک فوج کے چاق و چوبند دستے نے انہیں گارڈ آف آنر پیش کیا۔