نیشنل گیمز: پاکستان آرمی نے 48 گولڈ میڈلز کے ساتھ برتری مستحکم کر دی

نیشنل گیمز میں پاکستان آرمی نے 48 گولڈ میڈلز جیت کر اپنی برتری مزید مضبوط کر دی ہے۔ 

واپڈا 14 گولڈ میڈلز کے ساتھ دوسرے نمبر پر ہے جبکہ پاکستان نیوی 7 گولڈ میڈلز کے ساتھ تیسری پوزیشن پر ہے۔

سندھ کی نو سالہ کائنات ابراہیم 10,000 میٹر دوڑ میں کانسی کا تمغہ جیت کر کم عمر ایتھلیٹ کے طور پر نمایاں ہوئیں۔

مردوں کے فٹبال مقابلوں میں پاکستان آرمی، پاکستان نیوی اور پاکستان ائیر فورس کی ٹیمیں سیمی فائنل تک پہنچ گئی ہیں۔ 

سیمی فائنل مقابلے 10 دسمبر اور فائنل 12 دسمبر کو کھیلے جائیں گے۔

ایتھلیٹکس میں واپڈا کے سمیع اللہ اور فائقہ ریاض نے 100 میٹر دوڑ جیت کر پاکستان کے تیز ترین مرد و خاتون ایتھلیٹ کا اعزاز حاصل کیا۔

 ارشد ندیم نے جیولن تھرو میں گولڈ میڈل جیتا۔ نیشنل گیمز کے ایتھلیٹکس ایونٹس میں اب تک 11 گولڈ میڈلز کے فاتحین کا فیصلہ ہو چکا ہے۔