سعودی عرب کی آرامکو آئل ریفائنری پر اسرائیل نے حملہ کیا، ایرانی میڈیا کے مطابق ’فالس فلیگ‘ کارروائی

ایرانی نیم سرکاری خبر رساں ادارے تسنیم نیوز نے ایران کے عسکری ذرائع کے حوالے سے رپورٹ دی ہے کہ سعودی عرب میں تیل کی تنصیبات پر حملہ مبینہ طور پر اسرائیل کی ’فالس فلیگ‘ کارروائی کا حصہ تھا۔

رپورٹ کے مطابق ان حملوں کا مقصد علاقائی ممالک کو گمراہ کرنا اور ایران میں ممکنہ شہری اہداف پر اسرائیلی حملوں سے توجہ ہٹانا تھا۔

 ایرانی ذرائع نے واضح کیا کہ اگرچہ اسرائیل نے متعدد اہداف کو نشانہ بنایا ہے، لیکن آرامکو آئل ریفائنری ان اہداف میں شامل نہیں ہے۔

رپورٹ میں یہ بھی دعویٰ کیا گیا کہ انٹیلی جنس معلومات کے مطابق اسرائیل مستقبل میں مزید فالس فلیگ حملوں کی منصوبہ بندی کر رہا ہے، جس میں متحدہ عرب امارات کے الفجیرہ بندرگاہ پر ممکنہ حملہ بھی شامل ہے۔

سعودی سرکاری ٹیلی ویژن نے تصدیق کی کہ آرامکو ریفائنری کو ڈرون حملے کے بعد عارضی طور پر بند کر دیا گیا۔

 سعودی وزارتِ دفاع کے مطابق حملہ آور دونوں ڈرونز کو فضا میں ہی تباہ کر دیا گیا، لیکن ان کے ملبے گرنے سے تیل کی تنصیب میں آگ بھڑک اٹھی۔