وزیراعظم نے موسم سرما میں گھریلو صارفین کو بلا تعطل گیس فراہمی کی ہدایت کر دی

وزیراعظم شہباز شریف نے موسم سرما کے دوران گھریلو صارفین کو بلا تعطل گیس فراہم کرنے کی ہدایت جاری کی ہے۔

قومی اسمبلی میں اظہار خیال کرتے ہوئے وفاقی وزیر برائے پیٹرولیم علی پرویز ملک نے کہا کہ وزیراعظم نے حکم دیا ہے کہ صبح 5 بجے سے رات 10 بجے تک گھریلو صارفین کو گیس کی مسلسل فراہمی یقینی بنائی جائے۔

علی پرویز ملک نے بتایا کہ اس سال گیس کی لوڈ شیڈنگ پچھلے سال کی نسبت کم رہی ہے، تاہم جہاں کہیں بھی گیس پریشر کا مسئلہ ہو، اس کی فوری نشاندہی کی جائے تاکہ اسے حل کیا جا سکے۔

وزیر برائے پیٹرولیم نے مزید کہا کہ نومبر میں 80 سے 90 ہزار شکایات موصول ہوئیں، جن میں سے 70 سے 80 فیصد اوگرا سے متعلق تھیں، اور ان شکایات کو 36 گھنٹوں کے اندر حل کر دیا گیا۔