زیلنسکی: روس کے ساتھ امن معاہدے سے صرف 10 فیصد فاصلہ باقی، اہم مسائل ابھی حل طلب

یوکرین کے صدر ولادیمیر زیلنسکی کا کہنا ہے کہ روس کے ساتھ جنگ بندی پر امن معاہدے سے صرف 10 فیصد کا فاصلہ باقی ہے۔

نئے سال کے موقع پر اپنے خطاب میں زیلنسکی نے کہا کہ امن معاہدہ تقریباً 90 فیصد تیار ہے اور یوکرین بھی جنگ ختم کرنا چاہتا ہے، لیکن اپنے ملک کے مکمل خاتمے کے بغیر نہیں۔

صدر زیلنسکی نے کسی بھی معاہدے کے لیے مضبوط سکیورٹی ضمانتوں کو لازمی قرار دیا اور کہا کہ یہ ضمانتیں اس لیے ضروری ہیں تاکہ روس دوبارہ حملہ نہ کرسکے۔ انہوں نے خبردار کیا کہ سب سے اہم مسائل ابھی حل طلب ہیں۔

غیر ملکی میڈیا کے مطابق فریقین کے درمیان اہم علاقے کے مسئلے پر اختلافات موجود ہیں۔ روسی فوج یوکرین کے تقریباً 20 فیصد حصے پر قابض ہے اور وہ اس معاہدے کے تحت مشرقی ڈونباس پر مکمل کنٹرول چاہتی ہے۔