آئی سی سی ٹی 20 ورلڈ کپ کے لیے آسٹریلیا کا ابتدائی اسکواڈ، اہم کھلاڑیوں کی ٹیم میں واپسی

کرکٹ آسٹریلیا نے فروری 2026 میں ہونے والے آئی سی سی ٹی 20 ورلڈ کپ کے لیے ابتدائی اسکواڈ کا اعلان کر دیا ہے۔

اسکواڈ میں پیٹ کمنز، کیمرون گرین اور کوپر کنولی کی ٹیم میں واپسی ہوئی ہے، جو حال ہی میں انڈیا کے خلاف سیریز کے لیے اسکواڈ میں شامل نہیں تھے۔

چیف سلیکٹر جارج بیلی کا کہنا ہے کہ پیٹ کمنز، جوش ہیزل ووڈ اور ٹم ڈیوڈ مکمل ریکوری کی جانب بڑھ رہے ہیں اور وہ پُراعتماد ہیں کہ ورلڈ کپ کے لیے تینوں دستیاب ہوں گے۔

 بیلی نے مزید کہا کہ یہ صرف ابتدائی اسکواڈ ہے اور سپورٹ پیریڈ کے دوران ضرورت پڑنے پر تبدیلی کی جا سکتی ہے۔

آسٹریلیا کے ابتدائی ٹی ٹوئنٹی اسکواڈ میں کپتان مچل مارش، زیوئیر بارٹلیٹ، کوپر کنولی، نیتھن ایلس، پیٹ کمنز، ٹم ڈیوڈ، کیمرون گرین، جوش ہیزل ووڈ، ٹریوس ہیڈ کے علاوہ جوش انگلس، میتھیو کوہنیمن، گلین میکسویل، میتھیو شارٹ، مارکوس اسٹوئنس اور ایڈم زمپا شامل ہیں۔

چیف سلیکٹر نے کہا کہ پاکستان کے خلاف تین ٹی ٹوئنٹی میچز کے لیے اسکواڈ کا اعلان بعد میں کیا جائے گا۔ ٹی ٹوئنٹی ورلڈ کپ 7 فروری سے انڈیا اور سری لنکا میں شروع ہو گا۔