مادھوری ڈکشٹ کا بچوں کے لیے اہم پیغام: دن میں دو مرتبہ دانت برش کریں

بالی ووڈ اداکارہ مادھوری ڈکشٹ اپنی دلکش مسکراہٹ، بہترین اداکاری اور شاندار ڈانس کے لیے جانی جاتی ہیں۔ 

بھارتی فلم انڈسٹری کی کامیاب اور بااثر شخصیات میں شمار ہونے والی مادھوری نے حال ہی میں دانتوں کی صحت اور ذاتی نگہداشت کے موضوع پر بات کی۔

سوشل میڈیا پر وائرل ایک ویڈیو میں مادھوری نے کہا کہ خوبصورت مسکراہٹ برقرار رکھنے کے لیے دانتوں کی باقاعدہ صفائی اور مناسب دیکھ بھال بے حد ضروری ہے۔

 انہوں نے بتایا کہ وہ خود روزانہ دو مرتبہ (صبح اور رات) دانت برش کرتی ہیں اور متوازن غذا کو اپنی روٹین کا حصہ بناتی ہیں۔

اداکارہ نے بچوں کے لیے خاص پیغام دیا کہ دن میں دو مرتبہ دانت برش کرنا اور ہر چھ ماہ بعد دانتوں کی مکمل صفائی کروانا بہت ضروری ہے۔ 

انہوں نے کہا کہ دانتوں کی اچھی صحت نہ صرف ظاہری حسن بڑھاتی ہے بلکہ مجموعی صحت پر بھی مثبت اثر ڈالتی ہے۔