قطر میں سابق بھارتی نیوی افسر کی دوبارہ گرفتاری، بھارتی فوج کے حساس معاملے پر عالمی تشویش

قطر: سابق بھارتی بحریہ کے افسر کمانڈر پورنیندو تیواری کو قطر میں دوبارہ حراست میں لے لیا گیا ہے، جس کے بعد بھارتی فوج سے متعلق ایک پرانا اور حساس معاملہ عالمی سطح پر دوبارہ زیرِ بحث آ گیا ہے۔

بھارتی وزارتِ خارجہ نے انڈین ایکسپریس کو تصدیق کی کہ پورنیندو تیواری کو دوبارہ گرفتار کیا گیا ہے۔

 یاد رہے کہ انہیں اگست 2022 میں سات دیگر سابق نیوی افسران کے ساتھ گرفتار کیا گیا تھا۔

 اکتوبر 2023 میں قطری عدالت نے آٹھ سابق بھارتی نیوی افسران کو جاسوسی کے الزامات پر موت کی سزا سنائی تھی، اور فروری 2024 میں بھارت کی سفارتی کوششوں کے باوجود پورنیندو تیواری کو بھارت منتقل نہیں کیا گیا تھا۔

دفاعی ماہرین کے مطابق یہ معاملہ صرف ایک فرد یا کیس تک محدود نہیں بلکہ بھارتی فوج کی پیشہ ورانہ ساکھ، عسکری تربیت اور داخلی نظم و ضبط پر سوالات اٹھاتا ہے۔

 تجزیہ کاروں کا کہنا ہے کہ بیرونِ ملک بھارتی فوجی افسران کی گرفتاریوں نے بھارت کی سفارتی مشکلات میں اضافہ کیا اور عالمی سطح پر بھارت کی عسکری شبیہ کو متاثر کیا ہے۔