حمیرا چنا نے میوزک انڈسٹری میں اقربا پروری اور جانبداری پر کھل کر تنقید کر دی

معروف پاکستانی پلے بیک گلوکارہ حمیرا چنا نے حالیہ پوڈکاسٹ میں میوزک انڈسٹری میں بڑھتی ہوئی اقربا پروری اور جانبداری کے مسائل پر کھل کر بات کی۔

 انہوں نے کہا کہ مواقع چند مخصوص فنکاروں تک محدود ہو چکے ہیں جبکہ تجربہ کار گلوکار مسلسل نظرانداز کیے جا رہے ہیں۔

حمیرا چنا نے اعتراف کیا کہ خود بھی انہوں نے اس جانبداری کا سامنا کیا ہے اور اس صورتحال کو افسوسناک قرار دیا۔

 ان کا کہنا تھا کہ انڈسٹری کو تمام فنکاروں کو برابر کے مواقع دینے اور اصل صلاحیت کو ترجیح دینے کی ضرورت ہے۔

لیجنڈ فنکاروں کے حوالے سے بات کرتے ہوئے حمیرا چنا نے کہا کہ اکثر کہا جاتا ہے کہ کوئی فنکار لیجنڈ ہے، مگر اس بات پر غور نہیں کیا جاتا کہ انہیں کام دستیاب ہے یا نہیں۔ 

جب کوئی فنکار دنیا سے رخصت ہو جاتا ہے یا بیرونِ ملک سے واپس آتا ہے، تب اچانک انہیں سٹار بنا دیا جاتا ہے یا ان کے لیے مواقع پیدا کیے جاتے ہیں۔

حمیرا چنا نے 90 کی دہائی میں فلمی گانوں کے ذریعے شہرت حاصل کی، نگار ایوارڈ جیتا اور صوفی شاعر شاہ عبداللطیف بھٹائی کے متعدد لوک کلام پاکستان ٹیلی ویژن پر پیش کیے۔