بھارتی کپتان نے بالی ووڈ اداکارہ کے خلاف ہتک عزت کا مقدمہ دائر کردیا

نئی دہلی: بھارتی ٹی ٹوئنٹی کرکٹ ٹیم کے کپتان سوریا کمار یادیو نے بالی ووڈ اداکارہ خوشی مکھرجی کے خلاف ہتک عزت کا مقدمہ دائر کردیا۔

میڈیا رپورٹس کے مطابق، یادیو نے یہ قانونی قدم اس وقت اٹھایا جب سوشل میڈیا پر ایک متنازع دعویٰ وائرل ہوا، اور انہوں نے مقدمے میں 100 کروڑ روپے ہرجانے کا مطالبہ کیا۔

خوشی مکھرجی نے دعویٰ کیا تھا کہ یادیو انہیں اکثر پیغامات بھیجتے تھے۔ یادیو کی قانونی ٹیم نے اس الزام کو جھوٹا، بے بنیاد اور ان کی ساکھ کو نقصان پہنچانے والا قرار دیا ہے۔

وکلاء کے مطابق، اس دعوے کے حق میں کوئی ثبوت موجود نہیں اور ایسے غیر مصدقہ بیانات کسی بھی عوامی شخصیت کی ذاتی اور پیشہ ورانہ زندگی کو شدید متاثر کر سکتے ہیں۔

یادیو کی ٹیم نے مزید واضح کیا کہ مشہور شخصیات کو بغیر ثبوت الزامات کے نشانہ بنانا غیر ذمہ دارانہ عمل ہے اور اس سے عوام میں غلط تاثر پیدا ہوتا ہے، لہٰذا قانونی کارروائی ضروری ہے۔