پنجاب کے مختلف شہروں میں دھند کے ڈیرے، موٹرویز آج بھی بند

news-banner

تازہ ترین - 21 جنوری 2026

لاہور: پنجاب کے میدانی علاقوں میں شدید دھند برقرار رہنے کے باعث موٹرویز آج بھی بند رہیں۔

 

موٹروے حکام کے مطابق دھند کی وجہ سے موٹروے ایم 2 لاہور سے کوٹ مومن، ایم 3 فیض پور سے سمندری تک بند کر دی گئی ہے، جبکہ موٹروے ایم 4 پر شام کوٹ سے عبدالحکیم تک گاڑیوں کا داخلہ ممنوع ہے۔

 

مین شاہراہوں پر لاہور، مانگا منڈی، پھول نگر اور پتوکی میں شدید دھند کے باعث ٹریفک کی روانی متاثر ہوئی ہے۔

 

 ترجمان موٹروے پولیس نے ڈرائیورز کو فوگ لائٹس استعمال کرنے اور محتاط ڈرائیونگ کی ہدایت کی ہے۔

 

حکام کے مطابق لاہور–سیالکوٹ موٹروے ایم 11 بھی دھند کے باعث بند کر دی گئی ہے۔