متحدہ عرب امارات کا تحفظ اور استحکام پاکستان کی سلامتی کا ناگزیر حصہ ہے: فیلڈ مارشل عاصم منیر

پاکستان کے چیف آف ڈیفنس فورسز فیلڈ مارشل سید عاصم منیر نے کہا ہے کہ متحدہ عرب امارات (UAE) کی سلامتی اور استحکام پاکستان کی قومی سلامتی کا لازمی جزو ہیں۔ 

انہوں نے ابوظہبی میں متحدہ عرب امارات کے نائب حکمران اور قومی سلامتی کے مشیر شیخ طحنون بن زاید النہیان سے ملاقات کی، جس میں دوطرفہ تعاون، سرمایہ کاری، معاشی اور سکیورٹی کے شعبوں میں روابط بڑھانے پر بات ہوئی۔

ملاقات کے دوران خطے کی صورتحال اور امن و استحکام پر بھی تبادلہ خیال کیا گیا، اور دونوں ممالک کے درمیان تاریخی تعلقات اور اسٹریٹجک شراکت داری کو مزید مضبوط بنانے کی اہمیت پر زور دیا گیا۔

 فیلڈ مارشل عاصم منیر نے UAE کی حکومت کا پاکستان میں اقتصادی ترقی اور سکیورٹی کے لیے دہائیوں سے جاری تعاون پر شکریہ ادا کیا اور کہا کہ پاکستان مشترکہ کوششوں کے ذریعے برادر ممالک کے مفادات، امن، استحکام اور خوشحالی کو فروغ دیتا رہے گا۔