لطیف کھوسہ نے سپریم کورٹ سے عمران خان کی میڈیکل رپورٹس فراہم کرنے کا مطالبہ کر دیا

پی ٹی آئی کے بانی Imran Khan کے وکیل Latif Khosa نے سپریم کورٹ کو خط لکھ کر عمران خان کی مکمل میڈیکل رپورٹس فراہم کرنے کا مطالبہ کیا ہے۔ 

خط میں چیف جسٹس یحییٰ آفریدی سے درخواست کی گئی کہ خان کے ذاتی معالجین ڈاکٹر فیصل اور ڈاکٹر عاصم کو معائنہ کرنے کی اجازت دی جائے اور ضرورت پڑنے پر خان کو الشفاء اسپتال منتقل کیا جائے۔

خط میں کہا گیا کہ خان کی گرتی ہوئی صحت اہلخانہ اور عوام کے لیے تشویش کا سبب ہے، اور بیماری کے دوران انہیں بنیادی سہولیات سے محروم رکھا گیا۔ 

عدالتی حکم پر طبی معائنہ ہوا لیکن اہلخانہ کو لاعلم رکھا گیا۔

 کھوسہ نے اس دعوے کو بھی بے بنیاد قرار دیا کہ خان کے اہلخانہ اور پارٹی قیادت کو بلایا گیا لیکن وہ حاضر نہیں ہوئے، اور کہا کہ اہلخانہ کو معائنے سے باہر رکھنے سے خدشات اور تشویش میں اضافہ ہوا ہے۔