رمضان ٹرانسمیشن پر تنقید کے بعد جویریہ سعود کا منفرد ردعمل

پاکستان کی معروف اداکارہ اور میزبان جویریہ سعود رمضان ٹرانسمیشن کی وجہ سے سوشل میڈیا پر خصوصی توجہ کا مرکز بنی ہوئی ہیں۔

ان کے کئی ویڈیو کلپس وائرل ہوئے، جن پر صارفین نے تنقید کی۔ 

جویریہ سعود نے کہا کہ وہ عام طور پر کمنٹس نہیں پڑھتیں، لیکن بعض اوقات لوگ انہیں منفی تبصروں کے اسکرین شاٹس بھیج دیتے ہیں۔

اداکارہ نے کہا کہ وہ ان تبصروں کو پڑھ کر خوش ہوتی ہیں کیونکہ نفرت انگیز تبصرے یا ٹرولنگ ان کے لیے مسئلہ نہیں۔

جویریہ سعود نے مزید کہا کہ جتنا زیادہ لوگ انہیں برا بھلا کہتے ہیں، اتنے ہی ان کے گناہ کم ہوتے ہیں۔ 

ان کی نیکیاں انہیں تحفے میں ملیں گی اور گناہ ان لوگوں کو جائیں گے۔ 

انہوں نے کہا کہ ہر چیز میں اچھائی تلاش کرنی چاہیے، اور اس لیے وہ منفی تبصروں کو مثبت انداز میں دیکھتی ہیں۔