افغان طالبان کے ترجمان کے بیان کو وزارت اطلاعات نے بے بنیاد قرار دے دیا

اسلام آباد میں وزارت اطلاعات نے کہا ہے کہ افغان طالبان حکومت کے نائب ترجمان کا حالیہ بیان اپنی ہولناک کارروائیوں کو چھپانے کی ناکام کوشش ہے۔

 وزارت کے مطابق طالبان نے جان بوجھ کر ضلع باجوڑ میں شہری آبادی کو نشانہ بنایا، جس کے نتیجے میں 4 بے گناہ شہری شہید اور 5 سالہ بچہ شدید زخمی ہوا۔

وزارت اطلاعات نے واضح کیا کہ پاکستان کی مسلح افواج کی افغانستان میں کارروائیاں صرف دہشت گردوں کے ٹھکانوں تک محدود ہیں اور شہریوں کو نقصان پہنچانے کی کوئی نیت نہیں۔

 وزارت نے مزید کہا کہ پاکستان افغان طالبان حکومت کی اے آئی سے تیار شدہ تصاویر اور ویڈیوز پر انحصار نہیں کرتا، جبکہ طالبان کے سرکاری چینلز کے جھوٹ اندرونی اور عالمی سطح پر بے نقاب ہو رہے ہیں۔

واضح رہے کہ باجوڑ میں سرحد پار سے افغان طالبان کے حملے میں 4 شہری جاں بحق ہوئے تھے۔