پی آئی اے نے خطے کی صورتحال کے باعث فجیرہ کی پروازیں معطل کر دیں

news-banner

کاروبار - 18 مارچ 2026

اسلام آباد: پاکستان انٹرنیشنل ایئر لائن نے خطے کی صورتحال کے پیش نظر فجیرہ کے لیے اپنی پروازیں معطل کرنے کا اعلان کر دیا ہے۔

 

اعلامیے کے مطابق خلیجی ممالک میں سکیورٹی صورتحال کے باعث فجیرہ کے لیے پروازیں اگلے اڑتالیس گھنٹوں کے لیے فوری طور پر معطل کر دی گئی ہیں۔

 

ترجمان کے مطابق متحدہ عرب امارات کے شہر العین کے لیے پروازیں معمول کے مطابق جاری رہیں گی۔

 

مزید بتایا گیا کہ فی الحال متحدہ عرب امارات کے لیے پروازیں صرف العین کے لیے چلائی جائیں گی۔