بشریٰ انصاری نے جاوید شیخ کے ساتھ تنازع پر کھل کر بات کی

پاکستانی شوبز انڈسٹری کی سینئر اداکارہ بشریٰ انصاری نے قریبی دوست اور ساتھی فنکار جاوید شیخ کے ساتھ پیش آنے والے تنازع پر اپنی رائے کا اظہار کیا ہے۔

بشریٰ انصاری نے حال ہی میں اپنے یوٹیوب چینل پر وی لاگ شیئر کیا، جس میں انہوں نے بتایا کہ رمضان کے دوران کئی معروف شخصیات کے درمیان چھوٹے تنازعات سامنے آئے، اور وہ بھی ایک دوست کے ساتھ اس طرح کے اختلاف کا شکار ہوئیں، حالانکہ ان کی طویل دوستی رہی ہے۔

اداکارہ نے کہا کہ یہ ایک معمولی واقعہ تھا جس نے شاید جاوید شیخ کو ناراض کیا، لیکن عید پر وہ اکٹھے خوشگوار وقت گزار چکے ہیں۔ 

انہوں نے زور دیا کہ دوستوں کے درمیان اختلافات معمول کی بات ہے، اور سوشل میڈیا اکثر چھوٹے معاملات کو بڑھا چڑھا کر پیش کرتا ہے جس کی وجہ سے ہر بات کی خبر لوگوں تک پہنچ جاتی ہے۔