خوزستان میں پیٹروکیمیکل تنصیبات پر بڑے حملوں کی اطلاعات

رپورٹس کے مطابق امریکا اور اسرائیل کی جانب سے ایران کے مختلف علاقوں پر بڑے پیمانے پر حملے کیے گئے، جن میں خوزستان صوبے کی پیٹروکیمیکل تنصیبات کو خاص طور پر نشانہ بنایا گیا۔

ایرانی میڈیا کے مطابق خوزستان میں 6 پیٹروکیمیکل پلانٹس کو میزائل حملوں کا نشانہ بنایا گیا، جس کے نتیجے میں کم از کم 5 افراد جاں بحق اور تقریباً 170 افراد زخمی ہوئے۔

 ماہشہر کے اسپیشل پیٹروکیمیکل زون میں بھی دھماکوں کی اطلاعات موصول ہوئیں جہاں متعدد کمپنیوں کو نقصان پہنچا۔

مزید رپورٹس کے مطابق تہران اور بوشہر کے علاقوں میں بھی حملوں کے اثرات دیکھے گئے۔

 بوشہر کے جوہری پاور پلانٹ کے قریب ایک شہری کی ہلاکت کی اطلاع ہے جبکہ تہران میں شہید بہشتی یونیورسٹی اور ایک ریسرچ سینٹر کو نقصان پہنچا۔

ریسکیو ٹیمیں فوری طور پر موقع پر پہنچ گئیں، جبکہ حکام واقعے کی تحقیقات کر رہے ہیں اور نقصانات کا جائزہ لیا جا رہا ہے۔