ایمنسٹی انٹرنیشنل کی سربراہ نے ٹرمپ کی دھمکیوں کو نفرت انگیز قرار دیدیا

ایمنسٹی انٹرنیشنل کی سربراہ انیئس کالامار نے **امریکی صدر ڈونلڈ ٹرمپ کے ایران کے خلاف شدید دھمکی آمیز پیغامات کو قابلِ نفرت  قرار دیا ہے۔

 اپنے بیان میں انہوں نے ٹرمپ کی ان سخت دھمکیوں اور ٹوئٹس کو شیئر کرتے ہوئے کہا کہ اگر ایران میں پلوں اور بجلی گھروں کو نشانہ بنایا گیا تو سب سے زیادہ عام شہری متاثر ہوں گے — جن کے پاس نہ بجلی ہوگی، نہ پانی، اور حملوں سے بچنے کے راستے بھی نہیں ہوں گے۔

 انیئس کالامار نے اس طرزِ اظہار کو نفرت انگیز اور ممکنہ طور پر جنگی جرائم کی مثال بتایا، اور سخت تنقید کرتے ہوئے کہا کہ ایسے پیغامات میں انسانیت کے خلاف خطرناک رویہ جھلکتا ہے۔

یہ تبصرہ اس وقت سامنے آیا ہے جب ٹرمپ نے خلیج میں سرحدی کشیدگی کے دوران ایران کو آبنائے ہرمز کھولنے اور بنیادی ڈھانچے پر حملوں کی دھمکی دی تھی، جس پر خطے اور دنیا بھر میں مختلف ردعمل سامنے آئے ہیں۔