حادثے میں بیٹے کے محفوظ رہنے کا دن سالگرہ جیسا محسوس ہوتا ہے، روسی اہلیہ پون کلیان

جنوبی بھارت کے نائب وزیراعلیٰ اور ساؤتھ فلم انڈسٹری کے اسٹار اداکار پون کلیان کی روسی نژاد اہلیہ انالیزا نیوا نے بتایا کہ سنگاپور میں ایک سال قبل لگنے والی آگ میں ان کے بیٹے مارک شنکر پوانووچ بال بال بچ گئے۔

انہوں نے انسٹاگرام پر اپنے بڑے بیٹے اکیرا نندن کی 22ویں سالگرہ کی مبارکباد کے بعد لکھا کہ مارک کی حفاظت کے دن ان کے لیے ایک سالگرہ جیسا محسوس ہوتا ہے۔ 

حادثے میں ایک بچہ ہلاک ہوا تھا اور مارک کے پھیپھڑے متاثر ہوئے تھے۔ 

انالیزا نیوا نے ان تعمیراتی مزدوروں کا شکریہ ادا کیا جنہوں نے فائر فائٹرز کے پہنچنے سے قبل 15 بچوں کی جان بچائی۔

واضح رہے کہ یہ واقعہ 8 اپریل 2025 کو سنگاپور کے ریور ویلی روڈ پر پیش آیا تھا۔ 

پون کلیان کے چار بچے ہیں: دو سابقہ اہلیہ رینو ڈیسائی سے (اکیرا نندن اور آدیا) اور دو انالیزا سے (پولینا انجنا پاوانووا اور مارک)۔