چین بھی ایرانی تیل حاصل نہيں کرسکے گا۔امریکی وزیر خزانہ

تازہ ترین - 16 اپریل 2026

امریکی وزیر خزانہ اسکاٹ بیسنٹ نے دعویٰ کیا ہے کہ آبنائے ہرمز کی بندش سے چین بھی ایرانی تیل حاصل نہيں کرسکے گا۔

اسکاٹ بیسنٹ نے کہا کہ امریکا آبنائے ہرمز میں ایرانی تیل لے جانے والے چین کے جہازوں کو روکے گا۔ امریکا کی جانب سے آبنائے ہرمز کی بندش کو آج دوسرا دن ہے۔ امریکی سینٹ کام کا کہنا ہے کہ آبنائے ہرمز کی ناکا بندی کے بعد کوئی بھی جہاز ایرانی بندرگاہوں تک نہیں پہنچ سکا۔

امریکی سینٹ کام کےمطابق 48 گھنٹوں کے دوران کوئی بھی بحری جہاز ایرانی بندرگاہوں میں داخل نہیں ہوا یا باہر نہیں نکلا، 9 بحری جہازوں نے امریکی افواج کی طرف سے واپسی کے احکامات کی تعمیل کی۔