فیلڈ مارشل عاصم منیر کی ایرانی پارلیمنٹ کے سپیکر محمد باقر قالیباف سے ملاقات

پاکستان کے فیلڈ مارشل اور آرمی چیف عاصم منیر نے جمعرات کو تہران میں ایرانی پارلیمنٹ کے سپیکر محمد باقر قالیباف سے ملاقات کی۔

بی بی سی فارسی کے مطابق یہ ملاقات ایران کے دورے پر موجود پاکستانی اعلیٰ سطحی وفد کے دوران ہوئی۔

یہ پیش رفت ایسے وقت میں ہوئی ہے جب خطے میں کشیدگی کم کرنے اور ایران اور امریکہ کے درمیان مذاکرات کی بحالی کی کوششیں جاری ہیں، جن میں پاکستان ثالثی کا کردار ادا کر رہا ہے۔

وائٹ ہاؤس کی پریس سیکریٹری کیرولین لیویٹ نے پہلے بتایا تھا کہ کئی ممالک نے اس معاملے میں مدد کی پیشکش کی تھی، تاہم امریکی صدر ڈونلڈ ٹرمپ کے مطابق رابطہ کاری کا عمل پاکستان کے ذریعے جاری رہنا چاہیے۔

انہوں نے مزید کہا کہ پاکستان نے اس پورے عمل میں ایک مؤثر ثالث کا کردار ادا کیا ہے اور اس کی کوششوں کو سراہا گیا ہے۔