ہرمز کھلنے کی خبر پر خام تیل 10 فیصد سستا، اسٹاک مارکیٹوں میں تیزی

کاروبار - 17 اپریل 2026

آبنائے ہرمز کھلنے کی خبر سامنے آتے ہی برینٹ خام تیل کی قیمت 10 فیصد کم ہوگئی۔ عرب میڈیا کی رپورٹ کے مطابق ایرانی وزیر خارجہ کے اعلان کے بعد ڈبلیو ٹی آئی خام تیل پونے 7 فیصد سستا ہوا ہے۔

میڈیا رپورٹ کے مطابق ڈبلیو ٹی آئی 87 اعشاریہ 95 اور برینٹ کا ریٹ 91 ڈالر فی بیرل ہوچکا ہے۔

دوسری طرف آبنائے ہرمز کھلنے کی خبر پر یورپی اسٹاک مارکیٹوں میں تیزی آگئی۔ سوئٹزرلینڈ، فرانس، جرمنی، برطانیہ، اسپین سمیت دیگر یورپی اسٹاک مارکیٹوں میں 1 فیصد کی بڑھوتری دیکھنے میں آئی ہے۔