سعدیہ جاوید کا منعم ظفر کے بیان پر ردعمل، جھوٹ اور پروپیگنڈا قرار

سندھ حکومت کی ترجمان سعدیہ جاوید نے جماعت اسلامی کراچی کے امیر منعم ظفر کی حالیہ پریس کانفرنس کو سخت تنقید کا نشانہ بناتے ہوئے اسے جھوٹ اور پروپیگنڈا پر مبنی قرار دیا ہے۔

انہوں نے کہا کہ کراچی میں ترقیاتی کام نہ ہونے کا دعویٰ حقیقت کے برعکس ہے اور اس طرح کے بیانات عوام کو گمراہ کرنے کی کوشش ہیں۔

سعدیہ جاوید کے مطابق جماعت اسلامی کو اپنی توجہ کراچی کے ان ٹاؤنز کی کارکردگی پر دینی چاہیے جہاں ان کے اپنے چیئرمینز موجود ہیں۔

انہوں نے مزید کہا کہ کراچی کے میئر نے بھی جماعت اسلامی کے ٹاؤن چیئرمینز کی کارکردگی میں موجود مسائل کو سامنے لایا ہے۔

ترجمان سندھ حکومت کا کہنا تھا کہ سندھ حکومت اور بلدیہ عظمیٰ کراچی کی کارکردگی سے جماعت اسلامی بوکھلاہٹ کا شکار ہے، اسی وجہ سے ایسے بیانات سامنے آ رہے ہیں۔