بین الاقوامی عدالت کے وارنٹ والے رہنما گرفتار کیے جائیں گے۔ہنگری کااعلان

اگر اسرائیلی وزیرِ اعظم نیتن یاہو ہنگری کے دورے پر آئے تو کیا انہیں گرفتار کیا جائے گا کہ سوال کے جواب میں ہنگری کے نومنتخب وزیراعظم پیٹر میگیار نے کہا ہے کہ ان کی حکومت کسی بھی ایسے عالمی رہنما کو گرفتار کرے گی جس کے وارنٹ بین الاقوامی فوجداری عدالت سے جاری ہوئے ہوں۔ 

غیر ملکی خبر رساں ادارے کے مطابق ہنگری کے پیٹر میگیار نے کہا ہے کہ ان کی حکومت بین الاقوامی فوجداری عدالت سے علیحدگی کا عمل بھی روکے گی جسے سابق وزیراعظم وکٹر اوربان نے شروع کیا تھا۔

 واضح رہے کہ سابق وزیرِ اعظم کا یہ اقدام مبینہ طور پر اسرائیلی وزیرِ اعظم نیتن یاہو کو غزہ میں جنگی جرائم کے الزامات پر ممکنہ گرفتاری وارنٹس سے تحفظ دلوانے کے لیے شروع کیا گیا تھا۔