وزیراعلیٰ پنجاب جم ،فٹنس سینٹرز کے اوقات کار میں توسیع کریں۔شعیب ملک

کھیل - 27 اپریل 2026

قومی کرکٹر شعیب ملک نے وزیراعلیٰ پنجاب مریم نواز شریف سے جم اور فٹنس سینٹرز کے اوقات کار میں توسیع کی اپیل کی ہے۔

سماجی رابطے کی ویب سائٹ ایکس (ٹوئٹر) پر اپنے پیغام میں شعیب ملک نے کہا کہ کاروباری سرگرمیوں کے لیے بروقت ضابطہ بندی ایک مثبت اقدام ہے، تاہم جم اور فٹنس سینٹرز کو خصوصی رعایت دی جانی چاہیے۔

انہوں نے کہا کہ زیادہ تر دفتری افراد ڈیوٹی کے بعد ورزش کرتے ہیں، اس لیے جم کے اوقات رات 10 بجے تک بڑھانا ایک صحت مند معاشرے کے قیام میں مددگار ثابت ہوگا۔

شعیب ملک نے مزید کہا کہ صحت بھی خوراک جتنی ہی اہم ہے اور فٹنس سہولیات تک آسان رسائی ایک بہتر اور توانا پاکستان کے لیے ضروری ہے۔