عامر خان بیٹے کی آنیوالی فلم کی تقریب میں جذباتی ہوگئے

بالی ووڈ اداکار عامر خان بیٹے جنید خان کی آنے والی فلم ’ایک دن‘ کی تقریب میں جذباتی ہوگئے۔ سوشل میڈیا پر وائرل ویڈیوز میں دیکھا جا سکتا ہے کہ عامر خان تقریب کے دوران آنسو صاف کرتے نظر آئے، جبکہ سائی پلوی اور جنید خان انہیں تسلی دے رہے تھے۔ 

ایک اور ویڈیو میں عامر خان نے سائی پلوی کی اداکاری کو سراہتے ہوئے کہا کہ "سائی نے کمال کام کیا ہے، آپ سب حیران رہ جائیں گے۔ میرے لیے آج ہمارے ملک کی بہترین اداکارہ سائی پلوی ہیں۔

" عامر خان نے اپنے بیٹے جنید خان کی پرفارمنس پر مزاحیہ انداز میں کہا کہ "جنید نے بھی ٹھیک ٹھاک کیا ہے، وہ میرا بیٹا ہے تو زیادہ کچھ نہیں کہہ سکتا۔"

 انہوں نے مزید کہا کہ فلم کی پوری کاسٹ نے شاندار کام کیا ہے۔ تقریب میں عامر خان نے فلم کا ٹائٹل ٹریک بھی گایا۔ فلم ایک دن سائی پلوی کی بالی ووڈ ڈیبیو فلم ہے، جبکہ جنید خان کی دوسری تھیٹر ریلیز ہوگی۔

 فلم کی ہدایتکاری سنیل پانڈے نے کی ہے، جبکہ اسے عامر خان، منصور خان نے پروڈیوس کیا ہے۔ یہ فلم 2016 کی تھائی فلم ون ڈے کا ری میک ہے، جس میں ایک نوجوان اپنی کولیگ سے محبت کرتا ہے مگر اظہار نہیں کر پاتا۔ 

وہ صرف ایک دن اس کے ساتھ گزارنے کی خواہش کرتا ہے اور حیران کن طور پر یہ خواہش پوری ہو جاتی ہے۔ فلم یکم مئی کو سنیما گھروں میں ریلیز ہوگی۔