وزیر اعظم شہباز شریف کا پائلٹ آفیسر راشد منہاس شہید (نشان حیدر) کی برسی پر پیغام

پاکستان - 20 اگست 2025

وزیر اعظم شہباز شریف نے پائلٹ آفیسر راشد منہاس شہید (نشان حیدر) کی 54 ویں برسی پر انہیں تہہ دل سے خراج تحسین پیش کیا۔

اپنے پیغام میں وزیر اعظم نے کہا کہ راشد منہاس کی عظیم قربانی ہمت، جرات اور فرض سے لگن کی اعلیٰ روایات کی عکاس ہے۔ 1971 میں آج ہی کے دن انہوں نے غیر معمولی عزم کا مظاہرہ کرتے ہوئے پاکستان کی خودمختاری کے تحفظ کے لیے جام شہادت نوش کیا۔

وزیر اعظم نے کہا کہ راشد منہاس کا جذبہ، وفاداری اور حب الوطنی مسلح افواج اور پوری قوم کے لیے ایک لازوال ترغیب کا باعث ہیں۔

انہوں نے کہا کہ راشد منہاس کی بہادری کی داستان ہمارے قومی ضمیر کو آزادی کی قیمت اور وطن کے دفاع کے لیے درکار حوصلے کی یاد دہانی کراتی ہے۔

وزیر اعظم نے کہا کہ پاکستان کی مسلح افواج راشد منہاس کی لازوال میراث کو سلام پیش کرتی ہیں، اور ان کا نام ہمیشہ تاریخ میں وفاداری، جرات اور قومی فخر کی علامت کے طور پر محفوظ رہے گا۔