پاکستان کی کامیاب سفارتکاری، پاک امریکا تعلقات نئی بلندیوں پر ‘واشنگٹن پوسٹ

دنیا - 20 اگست 2025

بین الاقوامی جریدے واشنگٹن پوسٹ نے اپنی حالیہ رپورٹ میں فیلڈ مارشل سید عاصم منیر کی مؤثر سفارتکاری کو سراہتے ہوئے کہا ہے کہ اس سے پاک امریکا تعلقات میں ایک نئی جہت پیدا ہوئی ہے۔

رپورٹ کے مطابق ڈونلڈ ٹرمپ کے دوبارہ صدر منتخب ہونے کو پاکستان کے لیے ایک بڑا چیلنج سمجھا جا رہا تھا، تاہم پاکستانی حکام نے بدلتے عالمی حالات میں وائٹ ہاؤس کے ساتھ تعلقات کو مزید فروغ دیا۔

امریکا نے انسداد دہشتگردی میں پاکستان کے اقدامات کو سراہا، جبکہ پاکستانی سفارتکاری کے نتیجے میں کالعدم بی ایل اے کو امریکا نے عالمی دہشتگرد تنظیم قرار دے دیا۔

مزید برآں پاکستان نے کرپٹو پراجیکٹس اور معدنیات کی ترقی میں امریکا کو شراکت کی پیشکش کی جس پر صدر ٹرمپ نے پاکستان میں سرمایہ کاری میں گہری دلچسپی کا اظہار کیا۔

رپورٹ کے مطابق بھارت سے جنگ بندی کے بعد دونوں ملکوں کے تعلقات میں مزید بہتری آئی ہے، اور فیلڈ مارشل عاصم منیر کا دورہ امریکا اس دوستی کو مزید مستحکم بنانے میں سنگ میل ثابت ہوگا۔