آئی ایس پی آر سمر انٹرن شپ 2025 کے طلبہ کی الغزالی یونیورسٹی کے چانسلر مفتی عبد الرحیم سے خصوصی نشست

news-banner

پاکستان - 20 اگست 2025

آئی ایس پی آر سمر انٹرن شپ پروگرام 2025 کے طلبہ نے چانسلر الغزالی یونیورسٹی مفتی عبد الرحیم سے خصوصی نشست میں شرکت کی۔

مفتی عبد الرحیم صاحب نے اپنے خطاب میں قرآن و سنت کی روشنی میں ریاست کے تحفظ کے پیغام کو اجاگر کیا اور کہا کہ اسلام میں ریاست کا تحفظ جہاد فی سبیل اللہ کے مترادف ہے۔

انہوں نے کہا کہ بلوچستان میں انتشار پھیلانے والوں کے خلاف ہماری نوجواں نسل متحد ہے اور بلوچستان کبھی پاکستان سے الگ نہیں ہو سکتا۔

مفتی عبد الرحیم نے کہا کہ پاک افواج عوام میں سے ہیں اور عوام پاک افواج سے ہیں، سرحدوں پر جان دینے والے سپاہی ہمارے بیٹے ہیں۔

ان کا کہنا تھا کہ پاکستان اپنی دفاعی صلاحیت کی وجہ سے عالم اسلام میں ایک نمایاں مقام رکھتا ہے اور اس کا واضح ثبوت معرکہ حق اور آپریشن بنیان مرصوص میں افواج پاکستان کی شاندار کارکردگی ہے۔

مفتی عبد الرحیم نے آخر میں نوجوان نسل پر زور دیا کہ وہ اپنے وطن کی اہمیت کو سمجھیں اور ایک سیسہ پلائی دیوار کی طرح متحد رہیں۔