ڈونلڈ ٹرمپ کی آئندہ ہفتے سعودی ولی عہد سے اہم ملاقات طے

امریکی صدر ڈونلڈ ٹرمپ نے اعلان کیا ہے کہ وہ آئندہ ہفتے سعودی ولی عہد سے اہم ملاقات کریں گے۔ 

ائیر فورس ون میں صحافیوں سے گفتگو کرتے ہوئے انہوں نے کہا کہ یہ ملاقات محض رسمی نہیں ہوگی بلکہ اس کا دائرہ اس سے کہیں وسیع ہوگا۔

ایف-35 طیاروں کی ممکنہ فروخت سے متعلق سوال پر ٹرمپ نے بتایا کہ سعودی عرب بڑی تعداد میں ایف-35 سمیت دیگر جدید لڑاکا طیارے خریدنے کا خواہش مند ہے۔ 

ان کا کہنا تھا کہ امریکا دنیا کے بہترین جنگی طیارے اور میزائل تیار کرتا ہے، اور اس حوالے سے بات چیت جاری ہے۔

ابراہیمی معاہدوں سے متعلق سوال پر امریکی صدر نے کہا کہ یہ موضوع بھی ملاقات کا اہم حصہ ہوگا، اور انہیں امید ہے کہ سعودی عرب جلد اس معاہدے میں شامل ہو جائے گا۔