صدر زرداری نے آرمی، ایئر فورس اور نیوی کے ترمیمی بلز 2025 کی منظوری دے دی

صدرِ مملکت آصف علی زرداری نے پاکستان آرمی (ترمیمی) بل 2025، پاکستان ایئر فورس (ترمیمی) بل 2025 اور پاکستان نیوی (ترمیمی) بل 2025 کی منظوری دے دی ہے۔

 ایوانِ صدر کی جانب سے جاری بیان کے مطابق، صدر کی منظوری کے بعد یہ تینوں بل آئینِ اسلامی جمہوریہ پاکستان کا حصہ بن گئے ہیں۔

ان بلوں کے ذریعے مسلح افواج سے متعلق متعدد قانونی شقوں میں اصلاحات اور ضروری ترامیم کی گئی ہیں، جس سے فوج، فضائیہ اور بحریہ کے آئینی اور انتظامی ڈھانچے میں مزید وضاحت اور قانونی مضبوطی آئی ہے۔

قانونی ماہرین کے مطابق، ان ترامیم کے بعد نئے قوانین فوری طور پر نافذ العمل ہو گئے ہیں۔ وزیر دفاع خواجہ آصف نے واضح کیا کہ چیف آف ڈیفنس فورسز کا عہدہ صرف آرمی چیف کے پاس ہی رہے گا، جیسا کہ 27ویں آئینی ترمیم میں طے پایا ہے۔