سب کو عمران خان سے ملاقات کی اجازت ہونی چاہیے،شیخ رشید

سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ سب شہریوں کو بانی پی ٹی آئی عمران خان سے ملاقات کی اجازت دینی چاہیے۔

انسداد دہشت گردی عدالت کے باہر میڈیا سے گفتگو کرتے ہوئے انہوں نے کہا کہ جیل میں ملاقات کی اجازت سے اصل مسئلہ حل نہیں ہوگا، کیونکہ عوام پہلے ہی غربت اور مہنگائی میں مشکلات کا شکار ہیں۔ ان کا کہنا تھا کہ حکومت کو حالات بہتر بنانے پر توجہ دینی چاہیے۔

شیخ رشید نے 9 مئی کے مقدمات کے حوالے سے کہا کہ وہ اس وقت ملک میں موجود ہی نہیں تھے بلکہ بیرون ملک تھے اور ان کے خلاف کیسز قائم ہیں۔

انہوں نے مزید کہا کہ ملک میں کئی افراد کو چالیس سال کی سزائیں دی گئی ہیں، ان میں ان کے بھتیجے راشد شفیق بھی شامل ہیں، اور ان کا مشورہ تھا کہ ملک کو بہتری کی طرف لے جانا چاہیے۔