لاڑکانہ میں مبینہ پولیس مقابلے، دو زخمی ڈاکو گرفتار

لاڑکانہ میں ہونے والے مبینہ پولیس مقابلوں کے دوران دو ڈاکو زخمی حالت میں گرفتار کر لیے گئے۔

ایس ایس پی احمد فیصل چودھری کے مطابق مقابلے ماہوٹا اور لاشاری کے علاقوں میں اس وقت ہوئے جب گشت پر معمور پولیس اہلکاروں کا ڈاکوؤں سے آمنا سامنا ہوا اور فائرنگ کا تبادلہ شروع ہوگیا۔

دو طرفہ فائرنگ کے نتیجے میں دو افراد زخمی ہوئے جنہیں پولیس نے اسلحے سمیت گرفتار کیا۔

 گرفتار ملزمان کی شناخت کامران جونیجو اور ثمیر جونیجو کے ناموں سے ہوئی ہے، جبکہ ان کے دیگر ساتھیوں کی تلاش کے لیے سرچ آپریشن جاری ہے۔

ایس ایس پی نے بتایا کہ دونوں ملزمان خطرناک جرائم پیشہ ہیں اور ان کے خلاف 20 سے زائد سنگین مقدمات درج ہیں۔ 

زخمی ڈاکوؤں کو ابتدائی طبی امداد کے لیے اسپتال منتقل کردیا گیا ہے۔