وزیراعظم سے جنرل ساحر شمشاد مرزا کی الوداعی ملاقات، قومی خدمات کو سراہا گیا

وزیرِ اعظم شہباز شریف سے سبکدوش ہونے والے چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے الوداعی ملاقات کی، جس میں وزیرِ اعظم نے ان کی پیشہ ورانہ مہارت، قیادت اور ملک و قوم کیلئے نمایاں خدمات کو خراجِ تحسین پیش کیا۔

یاد رہے کہ 20 نومبر کو جنرل ساحر شمشاد مرزا نے نیول ہیڈکوارٹرز اسلام آباد کا الوداعی دورہ بھی کیا تھا جہاں ان کی چیف آف دی نیول اسٹاف ایڈمرل نوید اشرف سے ملاقات ہوئی۔

آئی ایس پی آر کے مطابق جنرل ساحر شمشاد مرزا نے پاک بحریہ کی جنگی تیاریوں، پیشہ ورانہ معیار اور قومی سمندری حدود کے تحفظ کے عزم کی بھرپور تعریف کی۔

نیول چیف نے بھی جنرل ساحر شمشاد کے کردار کو سراہتے ہوئے کہا کہ تینوں مسلح افواج کے مابین مشترکہ تعاون مضبوط بنانے میں ان کا کردار قابلِ قدر ہے۔