فیڈرل کانسٹیبلری ہیڈکوارٹر حملے کے شہدا کی نمازِ جنازہ، وزیراعلیٰ خیبرپختونخوا کی شرکت

فیڈرل کانسٹیبلری ہیڈکوارٹر میں ہونے والے دہشتگرد حملے میں شہید ہونے والے جوانوں کی نمازِ جنازہ انتہائی احترام اور عقیدت کے ساتھ ادا کی گئی۔ نمازِ جنازہ میں وزیراعلیٰ خیبرپختونخوا سہیل آفریدی، چیف سیکرٹری، آئی جی پولیس سمیت اعلیٰ حکام نے شرکت کی۔

وزیراعلیٰ سہیل آفریدی نے شہدا کی قربانیوں کو قوم کا عظیم اثاثہ قرار دیتے ہوئے کہا کہ ان بہادر اہلکاروں نے وطن کی حفاظت کے لیے اپنی جانوں کا نذرانہ پیش کیا۔

 انہوں نے شہدا کے اہلِ خانہ سے دلی تعزیت کا اظہار کرتے ہوئے یقین دلایا کہ صوبائی حکومت ہر قدم پر ان کے ساتھ ہے اور انہیں تنہا نہیں چھوڑا جائے گا۔

سہیل آفریدی نے کہا کہ شہدا کی لازوال قربانیاں دہشتگردی کے خلاف ہمارے حوصلے کو مزید مضبوط کرتی ہیں، اور صوبہ بھر میں امن و امان کے لیے مؤثر اقدامات جاری رہیں گے۔