مونگ پھلی کھانے کے فوراً بعد پانی پینا نقصان دہ ہے؟ ماہرین نے حقیقت بتا دی

سردیوں کے موسم میں خشک میوہ جات، خصوصاً مونگ پھلی کا استعمال بڑھ جاتا ہے۔

 عام طور پر کہا جاتا ہے کہ مونگ پھلی کھانے کے فوراً بعد پانی پینا گلے کی خراش یا کھانسی کا سبب بن سکتا ہے۔

ڈاکٹرز کے مطابق اس حوالے سے سائنسی شواہد محدود ہیں، تاہم مونگ پھلی کی خشک ساخت اور اس میں موجود قدرتی تیل بعض افراد کے گلے میں معمولی جلن پیدا کرسکتے ہیں۔

 ایسے میں فوری طور پر پانی پینا بعض اوقات تکلیف میں اضافہ کر دیتا ہے۔ ماہرین کے مطابق یہ زیادہ تر احتیاطی مشورہ ہے، کوئی سخت طبی اصول نہیں۔

دل کی صحت کے لیے مفید

ماہرین کا کہنا ہے کہ مونگ پھلی میں پائی جانے والی صحت بخش چکنائیاں کولیسٹرول کو متوازن رکھتی ہیں، جس سے دل کی صحت بہتر ہوتی ہے۔

وزن کنٹرول میں مددگار

مونگ پھلی پروٹین اور فائبر سے بھرپور ہوتی ہے، جو دیر تک پیٹ بھرا رکھنے میں مدد دیتی ہے۔

 یہی وجہ ہے کہ اعتدال میں کھائی جائے تو وزن کم رکھنے میں فائدہ دیتی ہے۔

پروٹین کا عمدہ ذریعہ

100 گرام مونگ پھلی میں تقریباً 25 گرام پروٹین موجود ہوتا ہے، جو جسم کی نشوونما کے لیے اہم ہے۔

 مونگ پھلی کا مکھن بھی پروٹین کا آسان ذریعہ ہے۔

شوگر کنٹرول کرنے میں معاون

مونگ پھلی کا گلیسیمک انڈیکس کم ہوتا ہے، یعنی یہ خون میں شکر کی سطح کو تیزی سے نہیں بڑھاتی۔

 اس وجہ سے ذیابیطس کے مریض بھی اسے اعتدال کے ساتھ اپنی غذا میں شامل کرسکتے ہیں۔