پاکستان ایتھلیٹکس فیڈریشن کے انتخابات غیر قانونی قرار، فوری شفاف الیکشن کا حکم

news-banner

کھیل - 26 نومبر 2025

پاکستان اسپورٹس بورڈ (پی ایس بی) کے ایڈجوڈی کیٹر نے پاکستان ایتھلیٹکس فیڈریشن کے حالیہ انتخابات کو غیر قانونی قرار دیتے ہوئے فوری شفاف انتخابات کروانے کا حکم دیا ہے۔

 

فیصلے میں واضح کیا گیا کہ پی ایس بی رول 17 اور اسپورٹس کوڈ کی خلاف ورزی ہوئی ہے۔

 

 اس کے نتیجے میں فیڈریشن کے صدر وجاہت حسین اور دیگر منتخب عہدیداران شاہدہ خانم و حمیرا محمود کے فیصلے کالعدم قرار پائے۔

 

ایڈجوڈی کیٹر نے ہدایت کی کہ ایتھلیٹکس فیڈریشن 3 دن کے اندر اپنا آئین اور الیکٹورل کالج جمع کرائے، جبکہ نئے انتخابات پی ایس بی کے الیکشن کمیشن کے ذریعے کرائے جائیں گے۔