"چیئرمین جوائنٹ چیفس آف سٹاف جنرل ساحر شمشاد مرزا کے اعزاز میں الوداعی تقریب کا انعقاد"

جوائنٹ سٹاف ہیڈکوارٹرز میں چیئرمین جوائنٹ چیفس آف سٹاف کمیٹی، جنرل ساحر شمشاد مرزا کے اعزاز میں الوداعی تقریب کا انعقاد کیا گیا۔

 پاک فوج کے شعبہ تعلقات عامہ (آئی ایس پی آر) کے مطابق تقریب میں سابق جوائنٹ چیفس اور دیگر سینئر افسران نے شرکت کی اور جنرل ساحر شمشاد مرزا کی 40 سالہ عسکری خدمات پر شاندار خراجِ تحسین پیش کیا۔

اس موقع پر جنرل ساحر شمشاد مرزا نے اللہ تعالیٰ کا شکر ادا کیا کہ وہ فرائض احسن انداز میں انجام دے سکے اور مادرِ وطن کے دفاع میں مسلح افواج کی قربانیوں کو خراجِ عقیدت پیش کیا۔

آئی ایس پی آر کے مطابق جنرل مرزا نے کہا کہ موجودہ جیو سٹریٹجک حالات میں مضبوط دفاع قومی سلامتی کا بنیادی ستون ہے اور افواج پاکستان مزید مضبوط بنانے کے لیے تیار ہیں۔

ترجمان پاک فوج نے بتایا کہ الوداعی تقریب کے دوران جنرل ساحر شمشاد مرزا کے اعزاز میں سمارٹ ٹرائسروسز گارڈ آف آنر بھی پیش کیا گیا۔