واشنگٹن: وائٹ ہاؤس کے قریب فائرنگ کرنے والا مشتبہ شخص افغان شہری قرار

news-banner

دنیا - 27 نومبر 2025

واشنگٹن میں وائٹ ہاؤس کے نزدیک فائرنگ کرنے والا ملزم افغان شہری نکلا۔ امریکی حکام کے مطابق 29 سالہ رحمان اللہ لکنوال کی شناخت کر لی گئی ہے، جو 2021 میں امریکا آیا تھا اور ریاست واشنگٹن میں بھی رہائش پذیر رہا ہے۔


ایف بی آئی ڈائریکٹر اور دیگر حکام کی بریفنگ کے مطابق حملہ آور اکیلا ہی کارروائی کر رہا تھا۔


امریکی صدر ڈونلڈ ٹرمپ نے اپنے بیان میں کہا کہ مشتبہ شخص بھی شدید زخمی ہوا ہے، جبکہ تینوں زخمی افراد کو اسپتال منتقل کر دیا گیا ہے۔


واقعے کے وقت صدر ٹرمپ فلوریڈا میں موجود تھے۔ فائرنگ کی وجوہات تاحال سامنے نہیں آسکیں۔


واضح رہے کہ اس حملے میں نیشنل گارڈ کے دو اہلکار شدید زخمی ہوئے تھے۔