چارسدہ میں شدید دھند کے باعث اسکولوں کے اوقات کار تبدیل، بلوچستان کے سرد علاقوں میں طویل تعطیلات

صوبہ خیبر پختونخوا کے ضلع چارسدہ میں شدید دھند اور گہری اسموگ کے باعث تمام سرکاری اور نجی تعلیمی اداروں کے اوقات کار میں تبدیلی کی گئی ہے۔ 

ڈپٹی کمشنر چارسدہ کی جانب سے جاری نوٹیفکیشن کے مطابق اب اسکول صبح 9 بجے سے دوپہر 2 بجے تک کھلیں گے، جبکہ جمعہ کے روز کلاسز صبح 9 بجے سے دوپہر 12 بجے تک جاری رہیں گی۔

ڈپٹی کمشنر نے کہا کہ یہ فیصلہ بچوں کی جان و مال کے تحفظ اور عوامی مفاد کے لیے کیا گیا ہے۔

 یہ اقدام گزشتہ روز دھند کے باعث ہونے والے افسوسناک حادثے کے بعد اٹھایا گیا، جس میں اسکول وین اور ٹرک کے تصادم کے نتیجے میں 2 بچے جاں بحق اور 21 زخمی ہوئے تھے۔ حادثے کی بنیادی وجہ گھنی دھند اور حدِ نگاہ میں کمی بتائی گئی۔

دوسری جانب، بلوچستان کے سرد علاقوں میں شدید سردی کے پیشِ نظر 16 دسمبر سے سرکاری اسکول طویل تعطیلات کے لیے بند رہیں گے۔

 موسمِ سرما کی تعطیلات 23 دسمبر 2025 سے 11 جنوری 2026 تک جاری رہیں گی، جبکہ اسکول دوبارہ 13 جنوری 2026 کو کھلیں گے اور نئے تعلیمی سیشن کا آغاز بھی اسی دن ہوگا۔