کراچی میں سیف سٹی سافٹ ویئر باکس چوری کا مرکزی ملزم گرفتار، مسروقہ سامان برآمد

کراچی: پولیس نے بلاول ہاؤس چورنگی کے قریب سیف سٹی پروجیکٹ کے سافٹ ویئر باکس کی چوری میں ملوث مرکزی ملزم کو ساتھی سمیت گرفتار کرلیا۔

پولیس کے مطابق 6 نومبر کو بلاول ہاؤس چورنگی کے نزدیک سیف سٹی کا سافٹ ویئر باکس چوری کیا گیا تھا، جس کے بعد علاقے سے سیف سٹی کیمرے بھی اتار لیے گئے تھے۔

پولیس کا کہنا ہے کہ گرفتار ملزم کے تین ساتھی پہلے ہی پکڑے جاچکے ہیں، جبکہ تازہ گرفتاری کے بعد ملزم کی نشاندہی پر مسروقہ سامان بھی برآمد کرلیا گیا ہے۔

 پولیس نے چوری شدہ سامان خریدنے والے کباڑی کو بھی گرفتار کرلیا ہے۔

واضح رہے کہ ڈسٹری بیوشن باکس لاکھوں روپے مالیت کا ہوتا ہے اور سیف سٹی کیمروں کو درست طریقے سے چلانے میں بنیادی کردار ادا کرتا ہے۔