سری لنکا نے پاکستان کو 6 رنز سے شکست دے کر ٹرائی نیشن ٹی ٹوئنٹی فائنل میں جگہ بنا لی

ٹرائی نیشن ٹی ٹوئنٹی سیریز کے دلچسپ میچ میں سری لنکا نے پاکستان کو 6 رنز سے شکست دے کر فائنل میں رسائی حاصل کرلی، جبکہ زمبابوے سیریز سے باہر ہوگیا۔

راولپنڈی کرکٹ اسٹیڈیم میں پاکستان نے ٹاس جیت کر پہلے فیلڈنگ کا فیصلہ کیا۔ 

سری لنکا نے مقررہ 20 اوورز میں 5 وکٹوں کے نقصان پر 184 رنز بنائے، جس میں کامل مشارا نے 76 اور کوشل مینڈس نے 40 رنز بنائے، داسن شناکا 17 رنز بنا کر ناٹ آؤٹ رہے۔

پاکستان کی جانب سے ابرار احمد نے 2 وکٹیں حاصل کیں جبکہ محمد وسیم جونیئر اور صائم ایوب نے ایک ایک وکٹ حاصل کی۔

184 رنز کے ہدف کے جواب میں پاکستانی ٹیم 7 وکٹوں کے نقصان پر 178 رنز ہی بناسکی۔ کپتان سلمان علی آغا 63 رنز بنا کر ناٹ آؤٹ رہے، عثمان خان نے 33 اور محمد نواز نے 27 رنز بنائے۔

پاکستانی اسکواڈ میں دو تبدیلیاں کی گئیں، نسیم شاہ اور عثمان طارق کی جگہ سلمان مرزا اور ابرار احمد کو شامل کیا گیا۔ سری لنکا نے زمبابوے کے خلاف کامیاب ٹیم برقرار رکھی۔

ٹرائی نیشن سیریز کا فائنل ہفتے کو پاکستان اور سری لنکا کے درمیان کھیلا جائے گا۔