شگفتہ اعجاز نے وزن کم کرنے کے لیے ‘اوزمپک’ دوا کے استعمال کی تردید کر دی

پاکستان کی معروف اداکارہ شگفتہ اعجاز نے خبروں کی تردید کی ہے کہ انہوں نے وزن کم کرنے کے لیے ذیابیطس کی دوا ‘اوزمپک’ استعمال کی۔

نجی ٹی وی شو میں دوبارہ وزن کم کرنے کے حوالے سے سوال پر شگفتہ اعجاز نے کہا: "میں حیران ہوں کہ ہمارے لوگ کتنے فارغ ہیں جو جھوٹی باتوں پر یقین کر لیتے ہیں۔"

انہوں نے واضح کیا کہ انہوں نے کبھی اوزمپک نہیں لی اور جو لوگ یہ دعویٰ کر رہے ہیں، ان کے خلاف قانونی کارروائی کریں گی۔

 شگفتہ نے کہا: "ہمارے دین اسلام میں کسی بات کے گمان پر یقین کرنا منع ہے، لیکن لوگوں نے اپنی طرف سے یہ فیصلہ کر لیا کہ میں نے دوا استعمال کی۔"

اداکارہ نے بتایا کہ وزن کم کرنے کا سفر انتہائی محنت طلب تھا اور اس دوران نہ صرف وہ بلکہ ان کی چھوٹی بیٹیاں بھی مشکلات سے گزری ہیں۔ 

شگفتہ اعجاز نے لوگوں کی جانب سے تصویریں اور افواہیں پھیلانے پر شدید نالائقی اور غصہ کا اظہار بھی کیا۔