سنگیتا کا کہنا ہے کہ پاکستان آئیڈل کے ججز میں سینئر فنکار شامل ہونے چاہیے تھے

پاکستان کی مشہور اداکارہ اور ہدایتکارہ سنگیتا نے کہا ہے کہ میوزیکل رئیلٹی شو پاکستان آئیڈل کے ججز میں ان جیسے سینئر فنکاروں کو شامل کیا جانا چاہیے تھا۔

ایک حالیہ ٹی وی شو میں، سنگیتا سے فواد خان کو بطور جج شامل کرنے پر کی جانے والی تنقید کے بارے میں پوچھا گیا۔

 انہوں نے راحت فتح علی خان کو جج کے طور پر شامل کرنے کے فیصلے کو “بہترین” قرار دیا، تاہم باقی ججز کے لیے کسی سینئر فنکار کا انتخاب ہونا چاہیے تھا جیسے کہ وہ خود ہیں۔

سنگیتا نے اپنی سینئرٹی پر زور دیتے ہوئے کہا کہ انہوں نے تقریباً 100 فلموں کے لیے گانے بنوائے ہیں اور ان کے کئی ہٹ گانے ہیں، اس لیے ججز میں ان کا شامل ہونا لازمی تھا۔

 انہوں نے شکوہ کیا کہ ججز کے انتخاب کرنے والے اکثر ان جیسے سینئر فنکاروں کو نظرانداز کر دیتے ہیں۔