پاکستان نے واشنگٹن میں افغان شہری کے حملے کی شدید مذمت کی

پاکستان کی وزارت خارجہ نے واشنگٹن ڈی سی میں افغان شہری کے مبینہ حملے کی شدید مذمت کی ہے، جس میں ایک نیشنل گارڈ اہلکار ہلاک اور دیگر زخمی ہوئے۔

 پاکستان نے ہلاک ہونے والی اہلکار کے اہلخانہ، زخمیوں، امریکی حکومت اور عوام کے ساتھ ہمدردی کا اظہار کیا۔

ترجمان دفتر خارجہ نے کہا کہ یہ حملہ بلاشبہ ایک دہشتگردانہ کارروائی اور امریکا کی سرزمین پر سنگین جرم ہے۔ انہوں نے واضح کیا کہ گزشتہ دو دہائیوں میں پاکستان بھی اسی نوعیت کے دہشتگردانہ حملوں کا سامنا کر چکا ہے، جن کا تعلق افغانستان سے رہا ہے۔

 اس واقعے نے سرحد پار دہشتگردی کے خطرات اور عالمی تعاون کی اہمیت کو اجاگر کیا ہے۔

پاکستان نے عالمی برادری پر زور دیا کہ دہشتگردی کے بڑھتے خطرات کو سنجیدگی سے لیا جائے اور مشترکہ کوششیں دوبارہ فعال کی جائیں۔

 پاکستان نے اس چیلنج کا مقابلہ کرنے کے لیے امریکا اور عالمی کمیونٹی کے ساتھ تعاون جاری رکھنے کا عزم بھی ظاہر کیا۔