مسابقتی کمیشن نے 10 شوگر ملوں کو کارٹل بنانے پر شوکاز جاری کر دیا

news-banner

کاروبار - 28 نومبر 2025

مسابقتی کمیشن نے پنجاب کی 10 شوگر ملوں کے خلاف کارروائی کرتے ہوئے انہیں گنے کی کرشنگ میں تاخیر اور قیمتیں فکس کرنے پر شوکاز نوٹس جاری کر دیے ہیں۔

 

 اعلامیے کے مطابق شوگر ملوں نے ایک خفیہ میٹنگ میں طے کیا کہ کرشنگ 28 نومبر سے شروع کی جائے گی اور گنے کی قیمت 400 روپے فی من مقرر کی جائے گی، جس میں کسانوں کو شامل نہیں کیا گیا۔

 

اعلامیے میں مزید کہا گیا ہے کہ کئی شوگر ملوں کے نمائندے آن لائن میٹنگ میں شامل ہوئے، اور قیمتیں فکس کرنا مسابقتی قوانین کی صریح خلاف ورزی ہے۔

 

 کمیشن نے تمام 10 ملوں سے 14 دن کے اندر تحریری جواب طلب کر لیا ہے۔ کرشنگ میں تاخیر کی وجہ سے چینی کی مصنوعی قلت اور قیمتوں میں اضافے کا خدشہ ہے۔