وفاقی آئینی عدالت میں ارشد شریف قتل کیس کی سماعت 3 دسمبر کو ہوگی

news-banner

پاکستان - 28 نومبر 2025

اسلام آباد: وفاقی آئینی عدالت نے صحافی ارشد شریف قتل کیس کی سماعت کے لیے تاریخ مقرر کر دی ہے۔

 

دو رکنی بینچ جسٹس عامر فاروق اور جسٹس روزی خان 3 دسمبر کو اس کیس کی سماعت کریں گے۔

 

سپریم کورٹ نے ارشد شریف کے قتل پر از خود نوٹس لیا تھا، اور 27 ویں آئینی ترمیم کے بعد از خود نوٹس کے مقدمات آئینی عدالت کو منتقل ہو چکے ہیں۔

 

خیال رہے کہ 23 اکتوبر 2022 کو کینیا کے شہر نیروبی میں مگاڈی ہائی وے پر پولیس نے ارشد شریف کو سر میں گولی مار کر ہلاک کیا تھا۔

 

 کینیا پولیس نے ابتدا میں واقعہ غلط شناخت کے سبب قرار دیا تھا، تاہم تحقیقات میں ان کے مؤقف میں تضاد پایا گیا۔