ایران، آذربائیجان اور روسی وفود کے بعد مصری وزیرِ خارجہ بھی اسلام آباد کے دورے پر روانہ

news-banner

دنیا - 28 نومبر 2025

ایران، آذربائیجان اور روس کے اعلیٰ سطح کے وفود کے حالیہ اسلام آباد دوروں کے بعد اب مصر کے وزیرِ خارجہ بھی پاکستان کا دورہ کرنے والے ہیں۔

 

سفارتی ذرائع کے مطابق اس ہفتے مصر کا ایک اعلیٰ سطحی وفد اسلام آباد پہنچے گا، جس کی قیادت مصری وزیرِ خارجہ بدر عبدالعاطی کریں گے۔

 

 مصری وزیرِ خارجہ ہفتے کے اختتام پر دو روزہ دورے پر اسلام آباد پہنچیں گے اور اس دوران نائب وزیراعظم و وزیرِ خارجہ اسحاق ڈار سے ملاقات کریں گے۔

 

ذرائع کے مطابق بدر عبدالعاطی 29 نومبر کو اسحاق ڈار کے ساتھ باضابطہ مذاکرات بھی کریں گے۔

 

 مذاکرات میں دو طرفہ تعلقات، کثیرالجہتی امور اور غزہ کی تازہ صورتحال پر گفتگو شامل ہوگی۔